pgview
/CheckIfDuplicatedEmail
/Lang

 

Lifewire將於12月2日(星期日)在香港仔舉行一年一度慈善跑步比賽【愛跑.香港仔】,為罕見病病童籌款。Lifewire今年邀請到廣告界男神黎學勤、《全民造星》人氣羅啟聰 (狗毛) 及藝人吳香倫演出微電影,希望帶出「愛跑愛助人」和「守望相助」的香港精神。

 

 

香港仔,你會想起甚麼?


靠海吃海的水上人?
屹立於避風塘的艇仔粉?
見証着香港漁業的光輝歲月?
還是......香港的根?                                                                                                                                                                    
香港仔,是你、是我、是每個土生土長的香港人。
香港仔,風風雨雨,還堅守此地的香港人。
香港仔,肩負着獅子山精神的香港人。
香港仔,捍衛着共同回憶的香港人。
跑出守望相助的香港精神!喚醒被遺忘的初心!
12月2日,我們都是香港仔!齊齊愛跑香港仔!

 

 

 

image

阿強 (黎學勤Jeffery 飾)

 

擁有奧運夢的熱血運動員,為人念舊,重親情。一覺醒來,赫然發現自己穿越到四十年後的今天,迷茫無助下遇上阿文;因為一封信,竟發現自己的真正身份。阿文的感言,令他重燃希望,決心將跑步的堅毅精神,傳承予下一代。
 
「我」與香港仔

 

我自細喺香港仔華富邨長大,所以呢度充滿住我嘅童年回憶。我鍾意由華富邨跑去香港仔運動場,再跑去淺水灣,望住啲漁船同個海會好舒服,跑到去沙灘好似被海景包圍。我鍾意香港仔嘅簡單,同埋街坊嘅熱情,買餸如果帶唔夠錢,佢會叫你下次先畀。
 
 被需要的一群

 

我第一次接觸罕有病兒童係我契仔,佢出世時食道同氣管連埋一齊,以致經常咳同氣促。以為佢做完手術會好返,點知有一晚佢突然又氣促得好緊要,先知原來有復發嘅機會,我都好擔心。我會經常陪伴契仔同佢父母,多啲同佢地傾偈,希望多啲關心佢地。

 
 給病童的一點勉勵
 
明白罕有病兒童未必可以得到醫療上嘅支援,我哋每個人都會出一分力支持你哋,畀你哋更多關懷!

阿文 (羅啟聰Kis 飾)

九十後大學生,課餘教導病童運動的田徑教練,性格樂觀積極,為人熱心助人。遇上七十年代穿越現代的阿強,用盡一切辦法協助他找尋回到過去的方法,卻同時發展出微妙的關係,最後以自身來感動他人。
 
人生路上的同行者

 

我本身患有先天性地中海貧血,成日入院;細細個我好想成為運動員,但由於身體所限,做唔到。我自細就受到好多同學幫忙,讀小學嘅時候,同學仔會幫我抄低筆記內容,我都好感激佢地。
 
被需要的一群

 

我曾經去「麥當勞叔叔之家」為病童彈結他同唱歌。我覺得音樂有一種力量,可以燃起佢哋心裏面一團火。同病童相處,應該俾多一啲關懷同支持,少一份責備,咁先可以敎導佢哋,點樣正向面對困難同逆境。
 
給病童的一點勉勵
 
尋求無悔真生活,路漫長,也靜候!

 

 

 

image
image

阿文媽媽 (吳香倫 飾)

家庭主婦,阿文的母親。遇上比自己還要年輕的老爺,卻以為對方是丈夫的舊友。

 

香港仔的事與物

 

我對香港仔最有回憶係海鮮舫,以前做SHOW唱歌,試過去海鮮舫,當時坐艇過去鴨脷洲,見到沿途景色都好靚,仲接觸到水上人,見證佢地嘅結婚習俗,新娘身上戴住好多金器,我覺得好驚嘆同好靚。

 

被需要的一群

 

記得當時我十一歲左右,去咗喺大口環嘅兒童骨科醫院唱歌俾病童聽,當時見到啲小朋友瞓喺張病床俾人推出嚟聽我唱歌,見到啲小朋友有咁重嘅病,好難過,到而家仲好記得。病童真係好需要我地去關心同照顧。

 

給病童一點勉勵
 
你條路並唔孤單,我地個個都支持你!加油!

 

 

 

【故事大綱】
 
從1971年穿越到2018年的田徑運動員阿強,與九十後田徑教練阿文相遇,展開了一個熱血的故事,而兩人的相遇,是偶然還是天意?

四十多年的差異,令阿強難以接受新一代的所有事物,他一心只想重返1971年追尋他的夢想——參加田徑比賽,向奧運夢進發。 
熱血的阿文,決定協助阿強找尋回到過去的方法,甚至不惜一切,用盡千奇百趣的點子,期間弄出不少鬧劇。

可惜,經歷多番嘗試,依然失敗,阿強百念俱灰之際,竟發現自己和阿文的微妙關係,阿文的鼓勵,讓阿強重燃生存希望。兩代人來自不同時代背景,決心一起向同一目標進發,將香港精神承傳下去!

 

 

 當日必到五大景點

 

1 觀光舢舨遊(必搭)

乘坐觀光舢舨,欣賞避風港得天獨厚的自然美景。
 
感受香港仔漁港居民的生活,活生生的歷史課。
 
*附費活動,先到先得,額滿即止

 

 

image
image

2 特式風味餐(必食)

運動過後,可到珍寶海鮮舫享用風味餐,補充體力之餘,又可以大飽口福。
 
一邊品嚐傳統美食,一邊欣賞寧靜海港,人生一大樂事。
 
*自費活動,先到先得,額滿即止

 

 

3 回到過去(必影)

立體場景栩栩如生,讓你感受昔日香港光彩,猶如置身當年今日。
 
到時留下倩影,必定令你Like數爆燈!

 

 

image
image

4 童年回憶(必玩)

放低手上的電子屏幕吧!現場多款懷舊攤位遊戲,如荔園來回彈、擲汽水⋯⋯

回味港人集體回憶!贏取豐富獎品,大朋友小朋友齊齊鬥一番!

 

 

5  共融表演(必睇)

輪椅武術、歌手獻唱、魔術、舞蹈、病患分享....不同的表演團體,體現傷健共融精神!

image

* * * * * * * * * * * * * * *
如欲捐款予指定個案/籌募活動,請下載「捐款表格」。
 
100港元或以上的捐款可申請免稅。
如欲索取捐款收據,請下載「申請捐款收據」表格,
填妥後並連同銀行入數紙副本或支票,電郵至info@lifewire.hk或寄回本會。
* * * * * * * * * * * * * * *
View Comment (0)
You must be a logged in contributor to comment.