pgview
/CheckIfDuplicatedEmail
/Lang
今晚放工返嚟我好惡鬧佢,同佢講:詠渝,爹哋最憎D"曳"嘅小朋友,妳再"蝦"佢哋我就罰妳!妳依家諗定妳再有下次..我罰妳D乜?

詠渝:罰企吖?

我:罰咁少?妳就想!再諗!

詠渝:(古惑)罰企我都好驚㗎喇!....咁.....罰咩呀?

我:罰掉妳最心愛嘅嘢!下次曳..掉妳架單車、再曳掉妳嘅玩具廚房、又再曳掉埋妳隻木馬.."掉"到妳識驚為止!

此時,詠渝仲惡過我話:唔得!爹哋,地球先生已經病咗喇!你仲掉咁多嘢....地球先生咁樣係唔會好番㗎!

我:吓?

詠渝:你掉垃圾有無分.....藍紙、黃罐、啡樽吖?

我:吓?

詠渝:同埋媽咪唔停咁開住水刷牙都唔啱㗎!姐姐成日用膠枱布、你又用咁多紙巾、地球先生已經唔舒服㗎啦嘛...D人搭港鐵又食嘢仲衝門添..........!

我:???????????
View Comment (0)
You must be a logged in contributor to comment.