返屋企好似打遊戲機,要避過重重障礙?
洪水橋的鍾屋村年代久遠,由於道路日舊失修,路不平又多雜草,村民如小朋友、公公婆婆、輪椅人士等,出入都要小心避開凹凸不平的地方,十分不便!
Lifewire聯同一班有心人齊齊為洪水橋居民修護家園,並在聖誕前探訪送暖!
多得熱心的企業「群利集團」肩付起修路的義務工作,條路「好行咗」,村民心情「都好咗」,個個大讚出入更方便。12月的一個星期日,在香港路德會社會服務處HKLSS 洪水橋新發展區社區聯絡隊的安排下,Lifewire與一班土木工程署義工,跟英國註冊香薰治療師Vivian老師,與村民齊齊學造無添加潤唇膏,Lifewire罕見病個案陳嘉敏及唐氏綜合症小村民都齊心出力炮製,更一起探訪送暖,共建共融社區。
一班公公婆婆及小朋友,原來個個手定眼精,很快上手,個半小時便成功炮製出150支潤唇膏,派贈村民,連Vivian老師都大讚這班村民好高質~!