聖誕除夕元旦接踵而來，Lifewire 趁住連串佳節，噚晚喺九龍灣利龍軒百幾人同歡聚兼慶祝
遺傳性痙攣性下身麻痺 HSP 陳嘉華代表香港出戰2025 世界展能運動會勇奪兩金一銀！

聲sir 一早預備咗燈牌照住呢位世一，大家嘅歡呼掌聲拆天，Lifewire 嘅Lia, Christy, Yannis
預備咗豐富遊戲、熱身遊戲、估歌仔，仲昇華變成唱歌仔，脊髓肌肉萎縮症 姚心悅弟弟一首
《 蝸牛 》才發現佢有一副好歌喉，玩收賣佬時每枱都傾囊而出，將媽媽、茶杯、外套、手錶……
拎晒出去收賣，全晚高潮當然係抽獎！

除咗有 Good Show TV Simon 捐出10盒天然手工皂 ($128/盒)，同健康茶，大會仲撥出$1000 
抽現金獎！
之後再有有心人加碼，捐錢抽獎，由壓軸出場嘅夏蕙BB、徐寶鳳小姐抽獎，恭喜家恩、嘉嘉、
曉進、嘉華……同所有得獎者！
加上由美樂士多送出嘅零食，護‧聯網創辦人彭一庭先生送給各家庭嘅禮籃，讓大家都滿載而歸！

希望大家帶住滿滿嘅心意同祝福迎接新一年！