{"product_id":"李日朗-用雙手拼出自在風光","title":"李日朗 - 用雙手拼出自在風光","description":"\u003cstyle\u003e\n        * {\n            box-sizing: border-box;  \n        }\n        p {\n            margin-top: 0;\n            margin-bottom: 16px;\n            text-align: justify;\t\n        }\n        strong {\n            font-weight: bold;\t\n        }\n        \n  .container {\n    max-width: 100%;\n    margin: 0 auto;\n  }\n\n        .highlight-title {\n            color: rgb(255, 42, 0);\n            font-size: 18px;\n            margin-top: 24px;\n            margin-bottom: 8px;\n            display: block;\n        }\n\n        .credits {\n            font-size: 14px;\n            color: #666666;\n            margin-top: 30px;\n            border-top: 1px solid #eeeeee;\n            padding-top: 16px;\n        }\n\n        .image-box {\n            display: flex;\n            flex-direction: column;\t\t\n            gap: 12px;\t\t\t\t\n        }\n        .image-box img {\n            display: block;\t\t\t\n            width: 100%;\t\t\t\n            height: auto;\t\t\t\n            object-fit: cover;\t\t\n            border-radius: 4px;\t\t\n\t    margin: 5px 0;\t\t\t\n        }\n\n@media (min-width: 600px) {\n    body {\n        margin: 0 auto;\n    }\n  .image-box.img-2,\t\t\t\t\t \n  .image-box.img-3 {\n    flex-direction: row;\n  }\n  .image-box.img-2 img {\t\t\t\t  \n    width: calc(50% - 6px);\n  }\n  .image-box.img-3 img {\t\t\t\t \n    width: calc(33.333% - 4px);\n}\n    \u003c\/style\u003e\n\u003cdiv class=\"image-box\"\u003e\u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/01_bb0fb5ad-248c-44f0-8cb7-ffa271053693.jpg?v=1784541052\"\u003e\u003c\/div\u003e\n\u003cp\u003e「喺北京嗰幾年，因為我夢想係拍戲、成為大家認同嘅演員，所以就算去做洗窗、喺酒吧洗杯維生，我一啲都唔覺得慘，因為呢啲只係我追夢嘅中途站。」以偶像身份出道，備受力捧的李日朗；卻選擇北漂由零開始，就是為了追尋自身價值。事業上軌道之際，不幸遇上疫情、患癌，看似把一切沖毀，但原來為豁亮的下半場埋下伏線。\u003c\/p\u003e\n\u003cp\u003e今日，他不用飾演別人偶像劇中的陽光少年，只願擔綱自己用雙手追夢、築起的小顏術事業，感覺更踏實、自在。\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/02_0b960ea8-0b32-40e1-80fa-a8fddce08b54.png?v=1784541076\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/03_4c97ef87-2b9c-49ba-aaac-dc5a21b6f925.png?v=1784541081\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e斬斷娛樂圈五光十色的情絲\u003c\/strong\u003e\u003c\/p\u003e\n\u003cp\u003e今次訪問在43歲李日朗（Don)的小顏術專門店進行，甫踏進去，身穿啡色制服的Don熱情迎接，看着他忙於工作、提點員工，不久前更在《日式小顏術大師挑戰賽》，擊敗來自全球30位高手，勇奪冠軍；放下明星光環的他，臉上反添了一份滿滿的自信。\u003c\/p\u003e\u003cp\u003eDon 2003年推出首張迷你專輯，並演出TVB偶像劇《當四葉草碰上劍尖時》，憑着陽光男孩形象人氣急升，歌影視三棲。\u003c\/p\u003e\u003cp\u003e「(當時)唱一隻歌，笑一笑，打個招呼，好多人為你鼓掌，這種莫名其妙的虛榮感，好開心。」但幸運之神眷顧總有期限，Don人氣開始下滑後，人情冷暖，點滴在心頭。\u003c\/p\u003e\u003cp\u003e「當時我向一位電台DJ 抓撈，問可唔可以播我嘅歌？可唔可以做節目嘉賓？ DJ話，拍劇都幾啱你吖，不如你返去拍劇啦！」「我去電視台問監製，可唔可以安排我拍劇？佢哋又會話，你係唱片公司嘅人，好難搵你拍劇喎！咁我話不如幫你唱主題曲？佢又話，而家電視台都有自家歌手，好難搵你唱！」\u003c\/p\u003e\n\u003cdiv class=\"image-box\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/04_48115f81-67bb-41f2-b1ce-56f2abad80be.jpg?v=1784541047\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e災民啟發 改寫人生課題\u003c\/strong\u003e\u003c\/p\u003e\n\u003cp\u003e這些推搪婉拒令他明白：「人家不用你，有千百萬個理由。 但只要你人氣夠，有自身價值，即使你走到天涯海角，人家也會找你(工作)。」\u003c\/p\u003e\u003cp\u003e2008年四川汶川大地震後，他到災區幫手，看見當地居民依然開心自在，大惑不解，不禁跟其中一位叔叔說：「你哋唔使強裝開心㗎，你哋有權唔開心，唔使怕連累人。」\u003c\/p\u003e\u003cp\u003e然而，對方卻說他們雖一夜間失去所有，但他們掌握種植的方法，只待天氣好轉，便可以種回來。「我覺得好震撼，佢哋開心就係因為佢哋心裏有底，佢哋知道成功嘅方法。」\u003c\/p\u003e\u003cp\u003e對於當時正憂慮一旦唱片公司不續約，前途如何的Don來說，如當頭棒喝，「之後我嘅課題就變咗：我要搵我自己嘅能力。」\u003c\/p\u003e\n\u003cdiv class=\"image-box\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/05_687dce43-58d0-4a88-b474-685ffa8fb57c.png?v=1784541081\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e北漂闖蕩：瞓一年幾梳化  只為一個機會！\u003c\/strong\u003e\u003c\/p\u003e\n\u003cp\u003e2009年，Don隻身到北京磨鍊，尋找自身價值，「喺北京，一切從頭開始，自己印履歷送去劇組，用好爛嘅普通話介紹自己，對方聽到皺晒眉。」「日頭去Casting，夜晚幫人抺外牆洗窗、喺酒吧洗杯，喺朋友屋企瞓咗一年幾梳化，就係等一個機會！」\u003c\/p\u003e\u003cp\u003e但他已經自覺幸運：「隔籬一齊排隊casting嗰個演員瞓緊地牢，每月250蚊床位，冇窗嘅，每朝喺公用廁所刷牙。北漂嘅演員，每人都有一個夢想，自問點解人哋得你唔得？」\u003c\/p\u003e\u003cp\u003e捱了10個月，終於有劇集找他演出，他跟著劇組穿州過省，一部接一部，鑽研演技，後來網絡電影興起，他一嘗導演滋味，2018年更憑自編自導自演電影《特區》，在《中韓國際電影節》獲頒最佳新導演獎。\u003c\/p\u003e\n\u003cdiv class=\"image-box img-2\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/06_2058c643-1692-4f86-9424-a90f10ccab34.png?v=1784541081\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/07_c3f123c0-5477-4dbe-9180-12c33cdcd0e4.png?v=1784541081\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e疫情來襲 努力化為烏有\u003c\/strong\u003e\u003c\/p\u003e\n\u003cp\u003e以為否極泰來，然而，2020年疫情無預警來襲，投資方撤資，這位新晉導演無戲拍，也漸被人遺忘。\u003c\/p\u003e\u003cp\u003e當時內地流行網上直播賺打賞，Don為生計也投進去，「每晚至少直播4至6小時，問觀眾想聽咩歌？開口叫佢哋打賞，送車、送火箭、送公仔......因為全都可兌換成錢。最初過唔到自己嗰關，講唔出口。我覺得做乜啫？ 街頭賣唱？ 直至有一日我突然講得好順口，我就知道，我已經可以為生活放下身段。」\u003c\/p\u003e\n\u003cp\u003e\u003cstrong class=\"highlight-title\"\u003e發現胃癌：負擔唔起醫療費！\u003c\/strong\u003e\u003c\/p\u003e\n\u003cp\u003e難關捱過一個又一個，2023年，他更患上癌症。「突然有一日關節痛，我以為痛風症發作，但食咗藥一個禮拜，都仲未好轉，早上腳踭痛，午後變成膊頭痛，我覺得奇怪，係咪撞到污糟嘢？」朋友建議他驗血，才發現胃癌指數超標三倍。\u003c\/p\u003e\u003cp\u003e「喺香港醫癌動輒幾十萬，當時我只得一份旅遊保險，我真係負擔不起！當時心想，既然畀唔起，不如開開心心度過餘下日子。」朋友介紹他一位博士，稱正進行中藥抗癌臨床研究，不收費，阿Don決定當「白老鼠」，日飲2公斤中藥，三個月後，他再次驗血，發現胃癌細胞指數、尿酸、三高奇蹟地全回復正常。\u003c\/p\u003e\n\u003cdiv class=\"image-box img-2\"\u003e\n\u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/09_8aa0301c-2c0b-4fe9-a06b-ac64a2830306.png?v=1784541080\" alt=\"\"\u003e\u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/10_041f6133-24fa-4b34-b944-54f34e0cd2ce.png?v=1784541081\" alt=\"\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e父母接連患病 一周花掉20萬元\u003c\/strong\u003e\u003c\/p\u003e\n\u003cp\u003e然而兩年後，輪到父親患癌、母親腿部半月板撕裂，令阿Don壓力爆表，一周花掉20萬醫藥費。「我們家報喜不報憂，父親患癌的消息，我也是從保險經紀口中得知。」\u003c\/p\u003e\u003cp\u003e幸好父親接受治療後病情穩定，母親也漸康復，令他鬆一口氣。\u003c\/p\u003e\n\u003cdiv class=\"image-box\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/08_4ae83018-3571-40f4-9750-e542063b3304.jpg?v=1784541047\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e開創人生新跑道 助人自助\u003c\/strong\u003e\u003c\/p\u003e\n\u003cp\u003e當上天為你關上一扇門，會為你打開另一扇窗。阿Don成功抗癌後出現臉歪後遺症，四出求醫也未癒，最後透過「小顏術」矯正，他於是到日本拜師深造，三年前開設診所，越做越大，更宣佈退出娛樂圈，選擇用雙手幫客人重拾信心。\u003c\/p\u003e\u003cp\u003e「有一位60歲女士，天生眼睛像一條線，因為看見我喺YouTube講，可以透過小顏術整大眼晴，便上來試試。佢完成療程後，望著窗外喊，我問佢咩事，原來今次係佢60年來第一次可以同時望到天和地！那一刻我好震撼，原來咁平凡嘅幸福，唔係理所當然。」\u003c\/p\u003e\u003cp\u003e一位兔唇的女顧客，被結婚廿多年的初戀丈夫拋棄，「離婚時，老公話自己被朋友笑咗20多年，因為太太有兔唇。」她自信盡失，兒子帶她上來求助。當時她戴著口罩問：「阿Don，你成日同啲客講，你咁靚，唔駛整啦，但如果生得太醜，你係咪都唔會整呀？」\u003c\/p\u003e\u003cp\u003e「當時聽佢咁講，我就知佢好自卑，心裏好難受。」做完療程後，婦人稱心滿意，離開時一時忘記戴回口罩，當Don提醒她時，她反問：「阿Don你覺得我駛唔駛戴口罩？」此話令他知道對方開始重拾自信。\u003c\/p\u003e\n\u003cdiv class=\"image-box img-2\"\u003e\n\u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/11_c410533d-6637-459f-9618-23625b5e67a8.jpg?v=1784541057\" alt=\"\"\u003e\u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/13_25a5c867-de0d-4009-8731-1f1829762c21.jpg?v=1784541057\" alt=\"\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e娛樂圈外的另一種風光\u003c\/strong\u003e\u003c\/p\u003e\n\u003cp\u003e他的小顏技術近日更在國際賽中獲得肯定，「呢三年我冇放假，日做6至8個客人，我三年內可能做咗人哋十幾年嘅量」，「(這份成就)我相信還有上天恩賜，所以我應該把握呢項技術，幫助更多人。」\u003c\/p\u003e\u003cp\u003e他指着左手移位凸出的手指關節：「我呢個關節係『做骨』做到勞損，凸咗出嚟，我成日要幫佢消炎、移番佢入去，呢啲係我努力得返嚟。」這份損傷，在他眼中卻猶如一個勲章、一份用努力換取的榮耀。\u003c\/p\u003e\u003cp\u003e尋尋覓覓，阿Don 感恩找到夢想，「我鍾意呢份工，我鍾意憑手藝做完客人後，笑住咁送佢走，我係真心，我賺咗囉。」\u003c\/p\u003e\u003cp\u003e他看着今天的自己，更充實、更快樂，「以前成日憂慮，我拍完呢部戲，下部幾時有人搵我呢？出完呢隻唱片，下隻有無人買？如果唱片公司唔同我續約，我係乜？ 有乜本事繼續生活下去？ 而家我終於唔駛靠人，靠自己一雙手，旅居也好，到哪個國家也好，只要有人有面骨矯正嘅需要，我都不用擔心生計。」\u003c\/p\u003e\u003cp\u003e比起娛樂圈，他說現在是另一種風光，「當然唔係日日喺報紙、電視出現，而係幫到人，佢哋覺得開心，然後跟其他人分享，我覺得我依家風光㗎！」\u003c\/p\u003e\n\u003cdiv class=\"image-box\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/12_3da23c75-9620-4a5f-83a2-8cd587779248.jpg?v=1784541056\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e給病童家屬的話：希望在明天！\n\u003c\/strong\u003e\u003c\/p\u003e\n\u003cp\u003e走過人生高山低谷，患過頑疾，現在又是父母的照顧者，阿Don體會到罕見病兒童和家人、照顧者的感受，說出口的不是含糊的加油，而是具體的祝福和目標：「科技日新月異，醫學發展速度已是從前三五倍，加上AI發展迅速，所以你哋唔好放棄，你們捱過一日，明天就會有新希望！」\u003c\/p\u003e\n\u003cdiv class=\"image-box\"\u003e\n  \u003cimg src=\"https:\/\/cdn.shopify.com\/s\/files\/1\/0651\/3934\/3478\/files\/14_bad33a9b-bc9e-487f-8809-e80703013904.jpg?v=1784541047\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e給罕見病童的話：順住逆境 堅持追夢！\u003c\/strong\u003e\u003c\/p\u003e\n\u003cp\u003e他鼓勵罕見病兒童堅持夢想，「對任何人嚟講，追夢都係難，無論你有病、冇病都係難，難唔難係視乎你嘅夢有幾高，所以順住呢啲困難繼續前行啦！一定會有新出路！」\u003c\/p\u003e\n\u003cdiv class=\"credits\"\u003e\n    \u003cp\u003e採訪、撰文：陳偉麒、梁劍紅\u003cbr\u003e\n編審：陳偉麒、梁劍紅\u003cbr\u003e\n攝影：麥超億、Sea.Pho.Yea\u003cbr\u003e\n影片製作：Lifewire、麥超億、Sea.Pho.Yea 、鄧欣\u003cbr\u003e\n部份照片由受訪者提供\u003cbr\u003e\n場地提供：小小堂\u003c\/p\u003e\n\u003c\/div\u003e","brand":"Lifewire HK","offers":[{"title":"Default Title","offer_id":43866913112182,"sku":null,"price":370.0,"currency_code":"HKD","in_stock":true}],"thumbnail_url":"\/\/cdn.shopify.com\/s\/files\/1\/0651\/3934\/3478\/files\/00_fe95b005-1aa1-4b4b-a1c1-6826e83036b3.jpg?v=1784540615","url":"https:\/\/www.lifewire.hk\/en\/products\/%e6%9d%8e%e6%97%a5%e6%9c%97-%e7%94%a8%e9%9b%99%e6%89%8b%e6%8b%bc%e5%87%ba%e8%87%aa%e5%9c%a8%e9%a2%a8%e5%85%89","provider":"Lifewire HK","version":"1.0","type":"link"}