{"product_id":"河國榮-x-4病童-炮製感恩餐答謝雙親","title":"河國榮 x 4病童 炮製感恩餐答謝雙親","description":"\u003cstyle\u003e\n        * {\n            box-sizing: border-box;  \n        }\n        p {\n            margin-top: 0;\n            margin-bottom: 16px;\n            text-align: justify;\t\n        }\n        strong {\n            font-weight: bold;\t\n        }\n        \n  .container {\n    max-width: 100%;\n    margin: 0 auto;\n  }\n\n        .highlight-title {\n            color: rgb(255, 42, 0);\n            font-size: 18px;\n            margin-top: 24px;\n            margin-bottom: 8px;\n            display: block;\n        }\n\n        .credits {\n            font-size: 14px;\n            color: #666666;\n            margin-top: 30px;\n            border-top: 1px solid #eeeeee;\n            padding-top: 16px;\n        }\n\n        .text-box {\n            padding: 20px;\n            margin: 2em 0;\n            color: white;\n            border-radius: 8px;\n            background-color: orange;\n            box-shadow: 0 4px 12px rgba(230, 39, 90, 0.2);\n        }\n\n        .text-box h5 {\n            color: white;\n            margin-top: 0;\n            margin-bottom: 12px;\n            font-size: 1rem;\n            border-bottom: 1px solid rgba(255, 255, 255, 0.3);\n            padding-bottom: 8px;\n        }\n\n        .text-box p {\n            color: white;\n            margin-bottom: 0;\n            font-size: 0.8rem;\n            line-height: 1.6;\n        }\n\n        .image-box {\n            display: flex;\n            flex-direction: column;\t\t\n            gap: 12px;\t\t\t\t\n        }\n        .image-box img {\n            display: block;\t\t\t\n            width: 100%;\t\t\t\n            height: auto;\t\t\t\n            object-fit: cover;\t\t\n            border-radius: 4px;\t\t\n\t    margin: 5px 0;\t\t\t\n        }\n\n@media (min-width: 600px) {\n    body {\n        margin: 0 auto;\n    }\n  .image-box.img-2,\t\t\t\t\t \n  .image-box.img-3 {\n    flex-direction: row;\n  }\n  .image-box.img-2 img {\t\t\t\t  \n    width: calc(50% - 6px);\n  }\n  .image-box.img-3 img {\t\t\t\t \n    width: calc(33.333% - 4px);\n}\n    \u003c\/style\u003e\n\u003cp\u003e\u003ciframe title=\"炮製感恩餐答謝雙親\" src=\"https:\/\/www.youtube.com\/embed\/P1wp0Pmf7ts?si=kjBIMN7dH7EEQCKz\" style=\"aspect-ratio: 16\/9;\" width=\"100%\"\u003e\u003c\/iframe\u003e\u003c\/p\u003e\n\u003cp\u003e\u003cstrong class=\"highlight-title\"\u003e《河+細路煮飯仔》，Go！Go！Go！\u003c\/strong\u003e\u003c\/p\u003e\n\u003cp\u003e4月4日兒童節，許多小朋友都期待着收禮物；然而，有幾位長期病患孩子，卻趁這日子，拖着藝人河國榮哥哥逛街市，為的是親手炮製禮物，報答父母。\u003c\/p\u003e\n\u003cp\u003e梓鍵、曉進、靜嫻、皓翔，他們有的坐輪椅、有的行動不便；但，為感激父母長年累月的悉心照料，身體上的缺陷，都阻礙不了他們的決心，齊齊「落手落腳煮大餐」回饋爸媽！\u003c\/p\u003e\n\u003cp\u003e當曾自稱「最叻係煮即食麵」的「真‧香港人」河國榮，遇上幾乎未曾入廚的病童時，會產生甚麼化學作用？任務展開前，河國榮先來一個「gag」跟大家混熟，「我最叻係煮白飯同煎蛋」，患脊柱側彎的皓翔不甘示弱，「我識雞蛋炒飯」！患杜興氏肌肉營養不良症的梓鍵、及黏多醣症4型患者曉進則不慌不忙的仔細部署。\u003c\/p\u003e\n\u003cp\u003e「我要拋鑊！」活躍的皓翔拿起枱上的「煎pan型」食物盤表演，為晚上的《煮飯仔》預演其拿手絕技。\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/01_58e787b8-edcf-479e-9f92-01e2b3b8d520.jpg?v=1784884295\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/02_f687df6c-fde9-465b-837d-4d36c3d1fd16.jpg?v=1784884296\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e河+細路 齊齊買餸\u003c\/strong\u003e\u003c\/p\u003e\n\u003cp\u003e經過約一小時的「會議」，……「大家ready未？」「出發！」河國榮隨即與病童「轉戰」啟田街市，不過「靜靜覆診未到，我哋幫佢買嘢，好冇？」「好！」\u003c\/p\u003e\n\u003cp\u003e不消45分鐘，番茄、大蝦、意大利粉、雞蛋等食材已成為這班「煮角」的囊中物，多個環保袋裝得滿滿。靜靜亦在購買食材尾聲時出現，四位「小煮角」終於齊人──《河+細路煮飯仔》正式開始！\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/03_400b3722-84ec-4478-aa46-2deafb921b69.jpg?v=1784884295\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/04_48e4db84-a83f-4fc9-8790-d6c0dcb70716.jpg?v=1784884293\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e四個細路六碟佳餚\u003c\/strong\u003e\u003c\/p\u003e\n\u003cp\u003e「睇下大家整乜嘢食先？！」\u003cbr\u003e皓翔：「第一款係意大利麵，加啲番茄同蔥；第二款係粟米炒豬肉。」\u003cbr\u003e梓鍵：「我煮茄汁炒蛋大蝦。」（編按：最終變成番茄炒蛋及煎蝦碌。）\u003cbr\u003e曉進：「餐蛋米線。」\u003cbr\u003e靜靜：「我整麵，有雞蛋、腸仔同菜。」\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/05_653b0b41-9499-41fc-a974-f8472c0ab50c.jpg?v=1784884293\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/06_250c0d30-6557-42a0-9c80-247e535f6d4e.jpg?v=1784884294\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e「小煮角」的「溫暖牌」\u003c\/strong\u003e\u003c\/p\u003e\n\u003cp\u003e「國榮哥哥，可唔可以幫我哋洗嘢？」面對四位「小煮角」的請求，河國榮有求必應，一時洗菜一時切蔥，見梓鍵切番茄更忍不住出手，「手指唔啱呀，你咁樣擺咪會切到自己手指」。\u003c\/p\u003e\n\u003cp\u003e備料完成，開爐喇！皓翔、梓鍵率先上陣，煎蝦、炒番茄、煮意粉……儼如「天生食呢行飯」，河國榮則從旁提點，初次合作已相當合拍。\u003c\/p\u003e\n\u003cp\u003e未幾，到曉進及靜靜大顯身手。曉進雙手雖已變形乏力，但無阻他煎蛋煎午餐肉，為媽媽送上「溫暖牌」米線；靜靜更儼如「女廚神」，從容不迫地完成為爸爸預備的腸蛋菜麵。\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/07_44e81240-2686-4c5a-99fd-ef161e73a2b1.jpg?v=1784884294\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/08_27970d71-0e81-4027-b64c-9ff96c97f224.jpg?v=1784884293\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e「有邊個唔係100分？！」\u003c\/strong\u003e\u003c\/p\u003e\n\u003cp\u003e擾擾攘攘3小時，「感恩大餐」終於出爐……爸媽們都一臉滿足，「好味、好食」之聲不絕於耳，梓鍵則緊張追問國榮哥哥，他的煎蝦碌值幾多分？\u003c\/p\u003e\n\u003cp\u003e「你啲蝦冇搣殼喎，不過有殼好睇啲。」「有殼可以鎖住啲味嘛！」「邊個教你？」「一入廚基本就要識。」\u003c\/p\u003e\n\u003cp\u003e河國榮：「有邊個唔係100分？！全部有心，又整得好食。」誠然，四位「小煮角」的廚藝及心意盡收父母眼底，甜酸苦辣也盡在不言中。《河+細路煮飯仔》也在幸福溫暖氛圍中宣佈圓滿結束……\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/10_de184e98-0e7e-4308-9fdb-a59e85bc5710.jpg?v=1784884296\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/11_6854c5f2-b3f8-4877-b870-c300dddb630a.jpg?v=1784884295\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e「係無厘頭嘅懲罰」\u003c\/strong\u003e\u003c\/p\u003e\n\u003cp\u003e第一次跟罕見病童相處半天，河國榮坦言感受甚深，「你畀時間同佢哋傾偈，你會睇到；佢哋啲困難好多係解決唔到，但佢哋嘅思想同個腦係正常，對嗰個人係好辛苦」。\u003c\/p\u003e\n\u003cp\u003e「佢哋有少少似我爸爸。」河國榮想起患柏金遜症的父親，思想雖正常，但身體及肌肉卻一直萎縮，「溝通唔到，因為講唔到、食唔到、行唔到，身體好似出賣咗你自己，係極之辛苦。會越來越差，我覺得係一種折磨，我覺得好唔fair（公平）」。\u003c\/p\u003e\n\u003cp\u003e「最辛苦係佢幾十年來，唔會有半個鐘休息或偷懶，做慣咗，佢一生都係咁勤力，唔會嘥一分鐘，跟住柏金遜出現，佢做唔番以前嗰個咁勤力、咁精神嘅人，好似一種懲罰，但係一種無厘頭嘅懲罰。」想起父親，河國榮不住感概。\u003c\/p\u003e\n\u003cdiv class=\"image-box\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/12_4005cff5-a63d-4ec1-8806-3b27446b90a0.jpg?v=1784884290\"\u003e\u003c\/div\u003e\n\u003cp\u003e\u003cstrong class=\"highlight-title\"\u003e我好自私 唔可以走\u003c\/strong\u003e\u003c\/p\u003e\n\u003cp\u003e爸爸雖患頑疾，河國榮卻承認暫沒返澳洲長伴老父的想法，「有啲人話你差啲死咗，你就會珍惜生命；都唔一定嘅，始終人係好難轉變，你慣咗咁嘅生活、咁嘅做法，就算有乜嘢大件事未必會變。我好自私，我喺香港仲有嘢要做，唔可以喺呢個時候走」。\u003c\/p\u003e\n\u003cp\u003e話雖如此，但多了溝通卻是事實，「盡量每星期傾一次視像電話，佢哋想見你嘛。盡量安排……坐飛機返去，見下佢哋，因為父母最重要係見到你」。縱使分隔多遠，他還是爸媽「肚裏面條蟲」，深知父母所需所想。\u003c\/p\u003e\n\u003cp\u003e\u003cstrong class=\"highlight-title\"\u003e「有今日就享受今日」\u003c\/strong\u003e\u003c\/p\u003e\n\u003cp\u003e或許，父親的病令河國榮體會到「得快樂時且快樂」的道理，尤其罕見病童一般壽命有限，「如果你醫唔到但時間有限，咁點好？你有兩個選擇，一個係傷心生活落去，一個係盡量開心生活落去，你有今日就享受今日，你有聽日就享受聽日。有啲人可能覺得難聽」。\u003c\/p\u003e\n\u003cp\u003e他並非「講風涼話」，他家中的年邁病狗，令他感慨良多，「我有隻狗狗17歲，行唔到路，你享受同佢一齊嘅時間，盡量去開心生活，冇其他選擇，你唔開心、傷心，對全家人都冇好處」。\u003c\/p\u003e\n\u003cp\u003e「好似我哋啲狗狗，醫生都講quality of life（生活質素），你畀佢開心食到佢想食嘅嘢、開心玩到佢想玩嘅嘢，佢個生命可能短少少，但係開心嘅，人都係一樣。」\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/15_cf3a940e-1347-4a8b-a403-0fbac6bad7ea.jpg?v=1784884288\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/16_e7a934e6-13cd-4287-91b2-30ba1b5fe408.jpg?v=1784884293\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e港人太忙 關心太少\u003c\/strong\u003e\u003c\/p\u003e\n\u003cp\u003e病童心態固然重要，但政府對罕病童的支援是否足夠，讓他們像一般人一樣去追夢呢？「呢個問題係炸彈。」不過河國榮隨即化身「拆彈專家」，以養狗為例解答這難題，「一隻狗背脊出問題要做手術，講緊8萬、10萬，做完之後佢行得番，剩番兩三年命可以同佢開心；但嗰8萬蚊畀20隻喺狗場生活嘅狗狗，資助佢哋嘅食糧、租金。一隻狗狗嘅支出等於20隻狗狗嘅支出，係感情嘅問題」。\u003c\/p\u003e\n\u003cp\u003e不過他認同解鈴還須繫鈴人，「要鼓勵政府去資助呢批人，同埋快啲批准藥物可以入香港，畀到呢啲小朋友。始終呢啲少見嘅病，你畀心機去幫佢去醫佢，會發現新嘅嘢關於人嘅結構，對人類將來都有幫助」。\u003c\/p\u003e\n\u003cp\u003e政府的決策我們無法改變，但能否教育大眾呢？「好難，佢哋太忙，要搵食。你只可以同呢啲小朋友多啲宣傳，等大家知道有啲係絕症，就算唔係絕症，生活都好辛苦。有藥物可以幫佢，不過好貴」。\u003c\/p\u003e\n\u003cdiv class=\"image-box img-2\"\u003e\n\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/13_c41f5dbb-0416-40c1-be82-19fe1645c830.jpg?v=1784884295\"\u003e\u003cimg alt=\"\" src=\"https:\/\/cdn.shopify.com\/s\/files\/1\/0651\/3934\/3478\/files\/14_78db2617-82b1-43b2-9a41-6a76c908c09b.jpg?v=1784884295\"\u003e\n\u003c\/div\u003e\n\u003cp\u003e\u003cstrong class=\"highlight-title\"\u003e另類打氣籲「珍惜」\u003c\/strong\u003e\u003c\/p\u003e\n\u003cp\u003e面對病患朋友，我們常以「明天會更好」、「支持你呀」作勉勵，看似能帶來鼓舞，但河國榮卻不甚認同，「你喺嗰個情況裏面，同人哋喺旁邊睇住你，係兩件事。你日日對住嗰個問題、嗰個病，24小時對住嗰樣嘢，唔同㗎」。\u003c\/p\u003e\n\u003cp\u003e所以他以另一種心情為病童打氣，「你哋個個都好特別，個個都有自己嘅特色，個個都係非常nice，大家要珍惜對方，珍惜一齊嘅生活，最緊要嘅係，你可以開心嘅話，一定要盡量開心，畀心機！」\u003c\/p\u003e\n\u003cdiv class=\"text-box\"\u003e\n\u003ch5\u003e真‧香港人　真‧愛唱歌\u003c\/h5\u003e\n\u003cp\u003e「同熱愛這片土地 大家刻骨銘記 愁或喜 生與死 也是香港地」《香港地》的歌詞，不但讓人見識河國榮的Rap歌功力，也唱出他的心聲。\u003c\/p\u003e\n\u003cp\u003e「我嚟咗香港31年，未試過有1秒考慮走。解釋唔到，我鍾意香港，我家在香港嘛！」這段在港的日子，河國榮最令人印象深刻的，莫過於他在電視劇中的的警司或神父形象。\u003c\/p\u003e\n\u003cimg class=\"image-box\" src=\"https:\/\/cdn.shopify.com\/s\/files\/1\/0651\/3934\/3478\/files\/17_9eea000a-a9fd-45c2-a7e8-688e47a1e4a5.jpg?v=1784884288\" alt=\"\"\u003e\n\u003ch5\u003e《亞視永恆》續歌唱夢\u003c\/h5\u003e\n\u003cp\u003e不過，無論電影、電視劇及舞台劇有多吸引，他的最愛始終是……「唱歌囉。挑戰大嘅，好似6年前準備出唱片，我去LA（洛杉磯）錄音，一落機喉嚨發炎，出唔到聲，錄唔到音。到宜家都有好多意外、好多嘢阻住我唱歌、出唱片」。\u003c\/p\u003e\n\u003cp\u003e正當河國榮準備放棄，決定「封咪」時，「突然有人問我可唔可以唱《亞視永恆》，世界唔畀我停，呢個係運氣」。一首網絡改篇歌，延續了河國榮的「歌唱夢」。\u003c\/p\u003e\n\u003cp\u003e由《亞視永恆》唱到《真‧香港地》，台上的他表現鎮定、從容不迫，但有誰知道他內心的恐懼呢？「之前因為健康問題，喺台上唱歌會好緊張、會有恐懼症。恐懼係惡性循環，你記得上一次驚，今次都會驚……我試過食藥，減低個緊張性，食少少，慢慢唔記得咗驚嗰個感覺」。\u003c\/p\u003e\n\u003cimg class=\"image-box\" src=\"https:\/\/cdn.shopify.com\/s\/files\/1\/0651\/3934\/3478\/files\/18_8aeaa69c-b8dd-439c-ae7e-e4930d203c49.jpg?v=1784884296\" alt=\"\"\u003e\n\u003ch5\u003e唱歌甩嘴要原諒自己\u003c\/h5\u003e\n\u003cp\u003e《真‧香港地》連香港人都覺得「繞口」，究竟「鬼佬Rap廣東歌」是如何練成呢？「記得唱《亞視永恆》嗰晚，3,000個觀眾喺度歡呼，好開心；唱《真‧香港地》係冇時間睇歌詞，太快，嗰晚真係畀心機去洗腦。」\u003c\/p\u003e\n\u003cp\u003e河國榮認為只要盡力做，即使演唱時「甩嘴」也問心無愧，「我試過接咗個job，甩字甩咗三次四次，惟有原諒自己，笑住盡量唱落去，你盡咗力。如果你兩三個星期唔學唔練，跟住你失敗，咁係你嘅事。如果你盡咗力去學去練，而你都係甩字，你接受啦，你盡咗力」。\u003c\/p\u003e\n\u003cimg class=\"image-box\" src=\"https:\/\/cdn.shopify.com\/s\/files\/1\/0651\/3934\/3478\/files\/19_56e36b0c-b3bf-453e-b161-eafa459fa382.jpg?v=1784884284\" alt=\"\" style=\"display: block; margin-left: auto; margin-right: auto;\"\u003e\n\u003ch5\u003e病魔纏身　樂觀打勝仗\u003c\/h5\u003e\n\u003cp\u003e「我係樂觀嘅，有時會有啲失落，都會有少少絕望，但大致上都係樂觀。」樂觀，或許是河國榮勇抗病魔的靈丹妙藥！\u003c\/p\u003e\n\u003cp\u003e近10年，河國榮差不多每日都在「打仗」，抑鬱症、右耳基底細胞癌及胃酸倒流等……但頑強的意志，加上樂觀嘅心態，讓他每場仗總能凱旋而歸。\u003c\/p\u003e\n\u003cp\u003e不過他提到，胃酸倒流一度影響他的聲線，「胃酸倒流係你瞓覺時，胃酸上嚟通宵浸住你聲帶，你瞓醒嗰陣聲帶係腫咗，唱歌會沙聲，同埋會走音。你好鍾意唱歌，同埋你有你嘅標準，呢樣嘢係好難接受」。\u003c\/p\u003e\n\u003cp\u003e至於抑鬱症，更加困擾他長達七年，「當時寫緊電腦程式，每日寫10幾個鐘，每日瞓3個鐘，持續咗4個月，身體就反抗、負荷唔到，所以荷爾蒙失調」。他最終選擇不靠藥物，透過調節及休息，令荷爾蒙逐步回復正常。\u003c\/p\u003e\n\u003cimg class=\"image-box\" src=\"https:\/\/cdn.shopify.com\/s\/files\/1\/0651\/3934\/3478\/files\/20_428ee2e2-5a5e-4623-8761-5543e825fe53.jpg?v=1784884288\" alt=\"\" style=\"display: block; margin-left: auto; margin-right: auto;\"\u003e\n\u003c\/div\u003e\n\u003cdiv class=\"text-box\"\u003e\n\u003ch5\u003e「河+細路」小檔案\u003c\/h5\u003e\n\u003cp\u003e河國榮（52歲）\u003cbr\u003e國籍：澳洲\u003cbr\u003e學歷：醫科生（新南威爾斯大學）\u003cbr\u003e曾演出角色：神父、法官、警官、機師等\u003c\/p\u003e\n\u003cp\u003e羅靜嫻（13歲）\u003cbr\u003e病症：龐貝氏症\u003cbr\u003e菜式：腸蛋菜麵\u003c\/p\u003e\n\u003cp\u003e莫皓翔（10歲）\u003cbr\u003e病症：脊柱側彎\u003cbr\u003e菜式：番茄意粉、粟米炒肉粒\u003c\/p\u003e\n\u003cp\u003e陳梓鍵（10歲）\u003cbr\u003e病症：杜興氏肌肉營養不良症\u003cbr\u003e菜式：番茄炒蛋、煎蝦碌\u003c\/p\u003e\n\u003cp\u003e蕭曉進（7歲）\u003cbr\u003e病症：黏多醣症4型\u003cbr\u003e菜式：餐蛋米線\u003c\/p\u003e\n\u003c\/div\u003e\n\u003cdiv class=\"credits\"\u003e\n\u003cp\u003e採訪及撰文：梁劍紅、王煜棋\u003cbr\u003e編審：梁劍紅\u003cbr\u003e硬照攝影：Colin Lam\u003cbr\u003e影片製作：Lifewire、Sea.Pho.Yea、Bobby Wong\u003cbr\u003e場地：KIDZTROPOLIS\u003c\/p\u003e\n\u003c\/div\u003e","brand":"Lifewire HK","offers":[{"title":"Default Title","offer_id":43896772657270,"sku":null,"price":150.0,"currency_code":"HKD","in_stock":true}],"thumbnail_url":"\/\/cdn.shopify.com\/s\/files\/1\/0651\/3934\/3478\/files\/00_e656d354-e750-41d5-ab46-7b9d9bf24936.png?v=1784881990","url":"https:\/\/www.lifewire.hk\/en\/products\/%e6%b2%b3%e5%9c%8b%e6%a6%ae-x-4%e7%97%85%e7%ab%a5-%e7%82%ae%e8%a3%bd%e6%84%9f%e6%81%a9%e9%a4%90%e7%ad%94%e8%ac%9d%e9%9b%99%e8%a6%aa","provider":"Lifewire HK","version":"1.0","type":"link"}