罕見病兒童密謀進軍樂壇？

梓鍵、晞佑、朗朗、嘉華同 Colour 姐姐，上個月接受秘密任務，為新歌錄音。

《抱擁每天》由 Zoe 老師同仲文哥哥作曲填詞，

希望用歌曲宣揚生命價值，由罕病者唱出滿分正能量，

上星期錄音一 take 過，歌唱老師都大讚！

錄完音，梓鍵 攰到瞓落媽咪大髀，其實佢嘅肌肉越嚟越少同冇力，

坐得耐條腰會好攰，所以要舒緩一下。

當日撞正 嘉華 生日，

Lifewire 團隊一齊開 party 慶祝，平時怕怕醜醜嘅嘉華，笑到見牙唔見眼超開心！