多謝善長Anson哥哥今年再度贊助，由堂姊Wendy老師協助安排Lifewire罕見病童和特殊需要小朋友開暑假派對，歡度夏日！
喺啱啱過去嘅星期日，一眾家庭逾百人，齊齊到戲院欣賞《末世橡樹街》。小朋友們見到恐龍出場都好興奮，緊張到嘩嘩聲！
魯賓斯坦泰比症 林博言嘅媽媽話，博言仔睇得超開心！
自從數年前患上吉巴氏綜合症後，頸項以下不能郁動、依賴輪椅出入的中學生 朱恩禧，多謝Lifewire團隊和義工幫忙把她由輪椅抬到戲院座位上，是她病後第一次離開輪椅睇戲，好開心有突破。
之後大家齊齊到酒店食自助餐，開party~
在4月完成高風險手術，切除頸椎腫瘤的神經纖維瘤第1型 鄺凱祺，這天是手術後首次參加Lifewire活動。她現在的力氣比以前好：以前揸筷子都可能會跌，但這天可以在媽媽攙扶下，慢慢步行、雙手捧食物。
Party當然少不了罕友們最愛玩的「估歌仔」，脊髓肌肉萎縮症 姚心悅、脊柱膠質腫瘤 楊嘉瑩、纖維瘤 莫皓翔、博言媽媽都答得又快又準。Lifewire早已準備大量禮物玩具，畀各位估中、估唔中、無估到嘅朋友滿載而歸。
徐動型腦癱 陳家琦、遺傳性痙攣性下身麻痺 陳嘉華，陳宥臻都玩得好開心，皓翔仲拎禮物返宿舍同同學分享。
身在馬來西亞嘅Anson哥哥，透過Wendy老師用視像通話同一班罕病童打招呼；大小朋友仲把握機會同Wendy老師合照。
Wendy老師話，希望這個暑假活動傳統能延續下去，期盼大家都可以繼續精精神神、健康地來聚會。
同時多謝每一位出心出力出汗嘅義工朋友，有你們無私的付出，活動才能順利進行，讓平日不便出門嘅罕友們，歡度夏日！