【夾公仔救病童】 Lifewire義賣 「愛」到入城大

Lifewire 有幸參與由城市大學舉辦嘅 mega sales，一連兩日擺設義賣攤位，將「愛」帶到入城大！

首先多謝大家嘅踴躍支持，除咗嚟我哋攤位了解多啲，更有好多朋友慷慨解囊，捐款支持有需要嘅小朋友。

睇吓大家玩夾公仔機玩得幾開心~ 捐出$10，就能重拾童年回憶，同時又幫到人！

特別鳴謝大吉景品捕屋為慈善出一分力，借出夾公仔機，大家有需要可以搵佢租機㗎！
另外亦感謝 E&T Art & Design 慷慨送出咁多隻得意公仔！