智利獨臂結他大師 Andrés Godoy 安德烈斯戈多伊世界巡迴音樂交流會-香港站
星期四圓滿落幕啦！

感謝 Omega HongKong 主音及結他手 #戎景豪Wilson、Keyboard Terry、鼓手 Tony 以 Beyond 金曲Medley 揭幕，燃點全場氣氛！

大師甫到場，即同蝸牛仔陳梓鍵 握手，話知道梓鍵嘅故事，鼓勵佢內心要有力量。 佢攬住14歲嘅梓鍵，鼓勵佢話，自己當年喺佢呢個年紀出事，但無論經歷了什麼，最重要的是現在和永不放棄的心，令梓鍵勇氣大增❤️ 大師對生命嘅感悟觸動在場每一位！

大師即場單手彈奏 fingerstyle ，又分享佢14歲發生意外，失去右手，雙腳及背部也重傷，
嫲嫲點樣激勵佢重新站起來，繼續追尋結他夢，仲用腳 將嫲嫲的「kick his ass」具體地演繹出來（危險動作請勿模仿）

佢又開心 share同太太嘅愛情故事，原來大師年輕時一度好自卑，覺得唔會有女仔愛上有缺憾嘅自己❤️，直至遇上佢太太，兩人至今已擕手走過47個年頭❤️。大師即席演奏佢寫畀太太嘅情歌，話自己人生中有兩樣嘢永不放棄：就係結他同愛情，仲叫我哋要相信愛！

有觀眾問佢點樣創出「Tatap」手法 — 以單手做出敲擊、掃弦及勾線等，來詮釋和弦、旅律和節奏嘅獨奏風格。大師話，就係憑住不斷嘗試，就好似人生路上遇到障礙時，嘗試用唔同方法破解一樣。可能有時會氣餒，但當突破困難後便會遇見另一個更強大嘅自已小編聽完都好鼓舞。

大師仲教我哋一齊大合唱西班牙文，又熱情地邀請梓鍵敲按吉他，感受節奏震動。
梓鍵話大師對佢有好大啟發，開心到用電話錄低同偶像互動，十足小小fans