世上有咩係「冇可能」 即使失去一隻手臂，都可以靠單手用結他彈奏出動人旋律！ 香港人，機會嚟喇！ 獨臂結他手Andrés Godoy 將會飛嚟香港，同大家近距離分享生命故事及彈奏Fingerstyle音樂！   活動日期：2023年8月17日 活動時間：晚上19:00 – 21:00 活動地點：觀塘海濱道133號萬兆豐中心8樓F及G室牛潮浸信會 The Corner 表演嘉賓：傷健樂隊Omega 分享嘉賓：Andrés Godoy、罕見病患者陳梓鍵 (蝸牛仔) 入場費用：港幣$180 購票及查詢：5712 8146 或  【按此WhatsApp「結他士多」】

身兼結他手、作曲家和音樂製作人，多重身份嘅超級音樂大師Andrés Godoy，出生於智利聖安東尼奧港口，從小熱愛音樂，但14歲時卻因意外失去整條右臂。
佢卻憑着熱愛音樂嘅毅力，獨創出一種名為「Tatap」嘅手法 — 以單手做出敲擊、掃弦及勾線等，來詮釋和弦、旅律和節奏嘅獨奏風格，成為智利國寶級結他手。

單手彈結他，當中嘅吃力同困難，實在難以想像，但佢同一眾罕見病童一樣，即使面對身體缺陷，都無阻佢哋追尋夢嘅腳步。
❤️只要有永不放棄嘅精神、積極面對，一切皆有可能！

Andrés大師伴隨「Never Give Up Asia Tatap Tour」已巡迴亞洲多地交流音樂，行程緊密嘅佢，
完左show翌日凌晨就隨即起飛；亦好可能係佢最後一次嚟香港，絕對係機不可失！

仲唔把握機會，一齊嚟聆聽大師對生命輕重嘅感悟！