脊髓肌肉萎縮症的 姚心悅、謝踔柔 (YY) 同脊柱膠質腫瘤的 楊嘉瑩，11月8日受香港小童群益會 The Boys' Girls' Clubs Association of Hong Kong邀請，到馬鞍山潮州會館中學同一班中四同學仔開心玩遊戲，YY同嘉嘉之前同呢班同學仔生命教育分享，今次輪到一班中四同學準備遊戲同獎品分享，佢哋好有心機做足準備㗎！

好似玩大電視果陣就準備咗好多唔同範疇嘅題目，大家都好努力用肢體語言提示隊友，玩世界之最時心悅同YY成功幫隊伍攞分，心悅代表隊伍出戰其中一題--「最長」時，原來係要最長氣，結果由心悦勝出，YY出戰「最大」究竟係咩最大，原來係最大腳板，由YY贏下一局！

大家都好玩到笑唔停口，心悅媽媽都大讚好玩希望以後多啲類似活動，玩成一片，傷健共融留下開心回憶！