為咗幫助病患嘅兒童，俊和發展集團嘅一班澳門同事，喺25/7(星期六)上午為Lifewire發起籌募活動，籌得善款港幣12,780元。
受惠機構之一係嚟自i-Action【一行動】嘅籌募個案 - 「被遺忘的麻瘋病康復村 - 阿布洛哈村」
籌募個案 - 「被遺忘的麻瘋病康復村 - 阿布洛哈村」去片：
澳門同事同小編講，出發嗰陣天氣成30幾度非常翳焗，之後仲落毛毛雨，但無阻佢哋做善事嘅熱誠 。當日有22人出席，佢哋全部係嚟自唔同地盤同寫字樓，包括澳門分部寫字樓、澳門國際機場 - 新機庫工程、氹仔新濠影匯工程、氹仔新濠天地 - 酒店C商場擴建工程，同埋澳門浸信會教堂 - 第一期清折及修補工程。
由發起活動到計劃行程，都只係用咗2個星期，效率相當高！
活動由朝早9點開始至晏晝12點，路線有4條：
- 路線1：澳門機場 - 新濠天地
- 路線2：新濠天地及新濠影匯
- 路線3：澳門機場 - 新濠天地 - 新濠影匯
- 路線4：澳門機場 - 新濠天地 - 新濠影匯 - 君怡酒店
澳門機場地盤主閘前大合照
新濠天地地盤
新濠影匯
新濠影匯地盤的賭場和酒店正門
活動發起人之一Molly笑笑口咁話：「呢次係佢哋第一次發起澳門唔同地盤、同埋寫字樓同事一齊參加慈善活動，過程中，除咗幫到病童之外；另一個意外收獲係識咗其他部門同事。因為好多時我哋都係電話傾公事，從來無見過對方，但因為呢次步籌，我哋大家有機會『相認』，仲可以一齊去唔同地盤，大家認識都深咗，對第日合作好有幫助。」
威尼斯人酒店
話時話，點解會揀為Lifewire籌款？Molly就話：「Lifewire畀我哋直接揀想幫嘅籌募個案，捐款過程簡單直接，唔太繁複，佢哋收到善款，好快就轉畀受惠機構手中，令病童好快得到幫助！」
仲有，記得喺Facebook "Share"同埋"Like" Lifewire (https://www.facebook.com/lifewirehk)！
錯過了今次活動，覺得好失望？
無問題，立即上網報名成為義工，除了捐款，你可以組織不同的籌款活動，為有需要的病童籌募醫療費，延續生命！
救救孩子 你做得到！