充滿藝術天分嘅小丸子 白晞佑，參加《#看見夢想2022繪畫比賽》作品獲J3組冠軍，呢兩日喺文化中心展出⭐晞佑 雖已升小學，但幼稚園羅校長同老師們都嚟支持！好有愛呀！

患有「發展性髖關節發育不良」嘅晞佑，身體發展雖受影響，但無阻佢發揮所長，自小已將屋企幅牆當畫紙，更鍛鍊出堅強又樂天嘅性格。

靜雞雞話畀大家知，晞佑 嚟緊會同嘉華、梓鍵、朗朗、Colour 姐姐一齊錄歌拍MV，到時就「童你唱歌 真的很興奮」喇！