{"product_id":"輪上小巨人-逆轉殘障人生","title":"輪上小巨人 逆轉殘障人生","description":"\u003cp\u003e\u003ciframe width=\"560\" height=\"315\" src=\"https:\/\/www.youtube.com\/embed\/XlrPCTrlTRs?si=8A2eI6sIQ4G5olFb\" title=\"YouTube video player\"\u003e\u003c\/iframe\u003e\u003c\/p\u003e\n\u003cdiv class=\"widget xhec\"\u003e情人節，浪漫而滿載憧憬；一次約會，無情地逆轉她的一生。\u003cbr\u003e\u003cbr\u003e18年前，嚴楚碧（Rabi）在巴黎留學畢業回港，正準備踏上燦爛人生途時，無情車禍令她肩膀以下癱瘓，從此與輪椅度餘生。\u003cbr\u003e\u003cbr\u003e坐在輪椅上的Rabi儼如小巨人，不認命、不服輸，猶如火鳳凰般於逆境重生。視點雖低，但眼界比人闊；走路比人慢，卻比人活得豐盛。\u003cbr\u003e\u003cbr\u003e縱然荊棘滿途，但Rabi總笑着面對，以生命影響生命，並協助殘障人士在社會上發光發熱。\n\u003cdiv class=\"jresptbl half2col\"\u003e\n\u003cdiv class=\"col2-table-halfRow\"\u003e\n\u003cdiv class=\"table-col half-col\"\u003e\u003cimg src=\"https:\/\/www.lifewire.hk\/uploads\/images\/source\/59e87807a10801.jpg\" alt=\"\"\u003e\u003c\/div\u003e\n\u003cdiv class=\"table-col half-col\"\u003e\u003cimg src=\"https:\/\/www.lifewire.hk\/uploads\/images\/source\/59e878112de951.jpg\" alt=\"\"\u003e\u003c\/div\u003e\n\u003c\/div\u003e\n\u003c\/div\u003e\n「18年前的意外，就是我的重生！」\u003cbr\u003e\u003cbr\u003e「一出個門口，點估到幾年都返唔到屋企！」1998年的情人節，一束鮮花、一次美好的約會，一切如夢如幻……Rabi還未來得及慢慢陶醉，突如其來的車禍卻將一切粉碎。Rabi睜開眼，已是約會後的兩天，矇矇朧朧間，只記得約會後曾在車上沉沉睡着，豈料醒後卻躺在醫院病床上，全身更動彈不得，醫生一句「可能永遠癱卧床上」，Rabi只是不斷嘀咕：「假嘅！唔係真嘅！」\u003cbr\u003e\u003cbr\u003e\n\u003ch3\u003e\u003cspan class=\"txt-highlight\"\u003e想死 但刀都拎唔起\u003c\/span\u003e\u003c\/h3\u003e\nRabi不敢相信，以為噩夢總會醒過來；但面對無法動彈的身軀，她終於崩潰，「完㗎喇！我玩完㗎喇！」Rabi一度失去鬥志，看着蘋果旁邊的一把刀，她萌生自殺念頭，可笑是，她連伸手拿刀的能力也沒有。冷笑過後，Rabi漸漸意識到，死，原來也不容易；「又如果我死唔去，咪仲衰過o依家？！」\u003cbr\u003e\u003cbr\u003e醫生坦白告訴Rabi永遠無法走路的殘酷事實，但她「唔服輸、唔信邪」，深信凡事皆有可能，而且傷口逐漸復原至可治療階段，經過半年物理治療及鍛鍊，上肢肌肉及手指勉強能夠發力。雖然毋須長期卧床，但下半生還須與輪椅為伴。\n\u003cdiv class=\"jresptbl half2col\"\u003e\n\u003cdiv class=\"col2-table-halfRow\"\u003e\n\u003cdiv class=\"table-col half-col\"\u003e\u003cimg src=\"https:\/\/www.lifewire.hk\/uploads\/images\/source\/59e98c70a77f21.jpg\" alt=\"\"\u003e\u003c\/div\u003e\n\u003cdiv class=\"table-col half-col\"\u003e\u003cimg src=\"https:\/\/www.lifewire.hk\/uploads\/images\/source\/59e98c7b978bf1.jpg\" alt=\"\"\u003e\u003c\/div\u003e\n\u003c\/div\u003e\n\u003c\/div\u003e\n\u003ch3\u003e\u003cspan class=\"txt-highlight\"\u003e獨立 唔要等湊等餵\u003c\/span\u003e\u003c\/h3\u003e\n不過，最令Rabi難受的，是家人無微不至的照顧及犠牲，「我想攞杯水，佢哋唔畀；我想自己出街，佢哋又話唔好。我好似變咗個BB……覺得自己好廢、好負累！」\u003cbr\u003e\u003cbr\u003e「頭一、兩年去搭復康巴士，要搵人幫先出得街，呢種感覺好辛苦，我覺得自己似狗仔，等人湊我出街，等人餵。」一向嚮往自由的她，明白要衝破難關，才不會成為家人的負累；因此她去學車、開設計公司，努力證明自己能獨立。\u003cbr\u003e\u003cbr\u003e輪椅上的Rabi視點雖然比人低，但眼界卻比人闊；社會配套設施的不足，她特別有感受：「泊車係好大障礙，落唔落到車係好大嘅問題。要睇停車場有冇傷殘人士泊車位，如果車位俾人泊咗，我就要搵啲可以落到車嘅位。」「未必個個地方有傷殘人士廁所……俾你搵到，但污糟邋遢，咁點去？」\u003cbr\u003e\u003cbr\u003e\n\u003ch3\u003e\u003cspan class=\"txt-highlight\"\u003e障礙 無阻追尋夢想\u003c\/span\u003e\u003c\/h3\u003e\n即使乘車、出外用膳……也遭歧視，她反問：「點解自己個待遇咁特別？」自尊心受損，但Rabi深感歧視源於不了解，「有次搭的士，司機面口好差、好燥，我覺得好委屈，好似俾人歧視，我就同朋友傾偈，傾我撞車經過同感受，個司機聽完之後，落車嗰陣態度180度轉變，畀咗好多關心我，嗰刻我真係感受好大」。\u003cbr\u003e\u003cbr\u003e自此，Rabi勇於與人分享，更自覺要站出來發聲。於是她加入四肢傷殘人士協會，為傷殘人士抱不平；又透過協會的義工工作，協助及感染其他傷殘人士融入社會，找回自我價值，讓生活重新精采。\u003cbr\u003e\u003cbr\u003eRabi勉勵「同路人」別因疾病與障礙而失去希望，因為大家仍可有夢想，仍可去欣賞及享受世上美好的事物，障礙是不能阻礙自己的人生。\u003cbr\u003e\u003cbr\u003e\u003cimg src=\"https:\/\/www.lifewire.hk\/uploads\/images\/source\/5a32464caf0951.jpg\" alt=\"\"\u003e\u003cbr\u003e\u003cbr\u003e\n\u003ch3\u003e\u003cspan class=\"txt-highlight\"\u003e真命天子\u003c\/span\u003e\u003c\/h3\u003e\n意外後，每當有男士接近及關心，Rabi總會質疑這是憐憫，直到真命天子降臨，她終於明白：「我都可以談戀愛！」憶述男朋友的窩心話：「有邊個冇缺點呢？你個缺點可能係暫時行唔到！」Rabi笑得甜甜，她知道這不是同情，是愛情。\u003c\/div\u003e\n\u003cdiv class=\"clear hwsep\"\u003e\u003cbr\u003e\u003c\/div\u003e\n\u003cdiv class=\"widget clear\"\u003e\u003cbr\u003e\u003c\/div\u003e\n\u003cdiv class=\"clear hwsep\"\u003e\u003cbr\u003e\u003c\/div\u003e\n\u003cdiv class=\"widget greyBox\"\u003e撰文：李楚瑩\u003cbr\u003e攝影：劉 華\u003cbr\u003e影片製作：Lifewire \u0026amp; Yapple Production\u003cbr\u003e編審：梁劍紅、王煜棋\u003c\/div\u003e","brand":"Lifewire HK","offers":[{"title":"Default Title","offer_id":43435476058230,"sku":null,"price":30.0,"currency_code":"HKD","in_stock":true}],"thumbnail_url":"\/\/cdn.shopify.com\/s\/files\/1\/0651\/3934\/3478\/files\/5a3245ece8d6f1.jpg?v=1779357574","url":"https:\/\/www.lifewire.hk\/products\/%e8%bc%aa%e4%b8%8a%e5%b0%8f%e5%b7%a8%e4%ba%ba-%e9%80%86%e8%bd%89%e6%ae%98%e9%9a%9c%e4%ba%ba%e7%94%9f","provider":"Lifewire HK","version":"1.0","type":"link"}