生命倒數以AI延續使命
當生命有期限，你又會唔會想喺世上存活另一個自己？
17歲嘅「蝸牛仔」陳梓鍵，1歲半確診 罕見病 ---- 杜興氏肌肉營養不良症。
呢個病嘅平均壽命係18歲，惟年紀輕輕嘅梓鍵，已坦然面對生死。
雖肢體受限，但阻不了遠大夢想，曾遠征沙漠、挑戰上天下海...
上年喺社工同科技公司嘅協助下，利用人工智能創造出「AI梓鍵 」
佢希望「AI梓鍵」可以作爲一個情感寄托
喺日後陪伴媽媽分享佢嘅生命故事延續使命
首與AI兒子對話，媽媽認為神態動作好像真，感覺奇妙；但坦言：現今科技始終難以代替一個有血有肉嘅人。
惟「AI梓鍵」嘅出現，令媽媽更加珍惜依家喺身邊嘅梓鍵
人生有限，最重要係活在當下，珍惜眼前人
