Lifewire 首屆慈善晚宴【童饗‧五味人生 Lifewire Gala Dinner 2023】圓滿結束喇！ 
多謝病童和家人落力參與，一眾善長鼎力支持，晚宴共籌得逾190萬。

其中近80萬來自晚宴中的慈善拍賣，包括藝人 Alex Fong 方力申先生為罕見病病童割愛，捐出珍藏嘅東京奧運花劍個人金牌得主張家朗簽名東京奧運Polo Shirt，雖然當晚方力申未能出席，但都拍片呼籲大家支持。

佢係片中介紹，件衫係佢當日親手交給張家朗簽名：「仲有東京奧運嘅氣味，同埋我陣味」 
形容件衫係佢同張家朗雙劍合壁，價值連城，呼籲大家踴躍出價做善事。
呢件意義重大嘅Polo Shirt，最終籌得$41,000港元善款，感激方力申先生嘅支持呀！
想知佢究竟點樣出衫出力出口呼籲，去片！