【病童每日生活係點過？】

為令大家了解病童日常生活經歷的不便，Lifewire 聯同 HKBU ORGC 一班同學於12月3日(星期四) 合辦「無障礙體驗夜」，透過體驗遊戲和分享，讓大家親身體會病童生活上面對的困難。

當日Lifewire先到 AAB 3/F Podium 慈善義賣，一班同學仔都好踴躍支持！唔少同學都俾棉花糖機嘅香味吸引，當日我哋賣出超過50支棉花糖！

當晚7:30入戲肉！Lifewire Rochelle向大家簡介咗幾個病童個案，一班同學都好留心聽，當日其中一個遊戲叫「鼻尖上的訊息」，究竟同學可以唔用手嘅情況下點打字呢？

我哋其中一個個案係玻璃骨患者恬恬，肢體難以正常移動，同學仔就體驗不能用手用腳下，如何去飲水？仲有一個遊戲叫「無手傳意」，目的讓同學體驗肢體殘障的病童平日難以輕易地表達所思所想。

當日超過30名參加者，Lifewire再次多謝大家支持！