上星期五係卓楠幼稚園～7、8月之星生日會，所有學生都唔使著校服返學，卓楠係8月生日～壽星仔更加盛裝出席啦！
但太太尋日同我講，佢當日竟然唔記得咗！
當送個仔返到幼稚園～見個個同學仔著到"靚一靚"先知出事，甚至有部分壽星學童家長～為子女準備埋生日蛋糕添！（此時太太已經講到聲到震埋！）
我問：嘩！妳做乜呀？
太太：（一直抹眼淚）我覺得卓楠喺生日會上，見人人有蛋糕～而自己無……會好可憐！好慘㗎！我……覺得自己……好衰！
我：咁又唔使喊……妳接卓楠放學嗰陣，佢有無唔開心吖？
太太：我問卓楠你有無嬲媽咪呀？卓楠好生性咁話：我無嬲你呀媽咪！（太太又嚟……）
我：唏～咁咪得囉！
太太：不過呢兩日佢同我講：其實我有少少嬲㗎！媽咪～不過我淨係會嬲妳一陣囉！ （其實呢兩母子使唔使咁煽情）
