我好鍾意搭港鐵，因為真係好多人生百態睇！今日同老婆仔女搭港鐡，見D人跑去另一個月台轉車……
我就同D仔女講：你睇吓！呢個人跑步背影似乜？
我：唔似鴕烏咩！咁……呢個呢？直頭跑到成個Mr Bean咁啦！
跟住我就扮Mr Bean跑姿~同卓楠跑咗入車廂，咁啱得咁橋突然閂車門~就係咁……太太同詠渝隔住玻璃~望住我哋上唔到車！
卓楠喺呢個時候~好驚咁荒失失不停鬧我：一日都係你啦~我哋同媽咪失散咗喇……咁點算吖？
我：咩唧？你賴我呀？你無份跑咩？
卓楠：你成日都叫我拖實你家嘛！你跑我咪跑囉！
我：哈哈~你依家個樣好驚青咁喎？
卓楠：仲笑？你唔扮Mr Bean咪乜事都無囉！
（呢個時候……我笑到標晒眼水！）
