《魚腩童話集》~BB話

初期個仔學緊講嘢。有日企喺床度講BB話！

詠渝即刻話：爹哋呀~細佬鬧緊你呀！

我：……你識聽咩？你又知佢鬧我~可能鬧你呢？

詠渝：細佬好鍾意同我玩架，見親我都笑，佢唔會鬧我架！

我：我夠成日幫佢沖涼、餵佢飲奶、換片，佢都不知幾黐我，佢點會鬧我唧？

詠渝：佢個個都黐架啦！

（此時個仔又大叫）

我問：詠渝~咁依家細佬鬧緊我咩呀？

詠渝：唉呀~佢依家都唔係鬧你~佢喺度讚緊我靚呀！

我：……