夏天為大地帶來…暑假
Lifewire 一班罕友都陸續放暑假啦
患有肌肉萎縮症肌肉無力、曾經連食物盒都打唔開嘅賴君怡，2024年憑住優異DSE成績考入 @中文大學 中文系，眨吓眼已經準備升year 3喇。
 |
 |
放緊暑假嘅佢，呢兩年享受U life之餘，仲已如願以償住宿舍。媽媽話，因為君怡有治療設備同生活用品都要搬入宿舍，所以當日嘅準備功夫唔簡單。
君怡都好適應校園生活，但追趕學業進度都幾辛苦，試過因為太chur而發燒。佢而家最擔心要讀多一年，因為佢考獲嘅獎學金，只足夠支持4年學費，如果延遲一年畢業，額外嘅學費就會增加屋企負擔。
但媽媽深知健康更重要，寧願佢將學業分散、延遲畢業，「讀好書但身體退步都唔好，等佢負荷到先。」
 |
 |
不過君怡無論幾忙碌，都無放下畫筆，依家仲幫作家米哈寫專欄。壓力大嘅時候，就打機放鬆吓。
君怡媽媽多謝Lifewire一直嘅幫助，捐款買復康設備、做治療。例如之前醫生建議嘅企架輪椅，售價高昂，好彩有Lifewire捐款購買，讓君怡可以鍛鍊肺功能、鬆弛筋骨，改善健康，應付學業。
你嘅每一份支持，無論是支援學費、購買復康設備，對君怡同佢屋企嚟講，都係繼續前行嘅重要力量。
繼續支持罕見病家庭，讓佢哋知道，佢哋唔係孤軍作戰。
 |
 |