無論你的小腿屬肌肉型、水腫型，還是脂肪型，這套動作都適合練。想擁有修長小腿？想消水腫、減多餘脂肪，同時拉鬆繃緊肌肉、收緊小腿線條，就跟住瑜伽導師 Coffee Lam（林芊妤）練出靚靚小腿啦！
動作一：
腳向後踢，腳尖落地，左右腳交替做50次。
動作二：
一隻腳踏前，一隻腳踏後；前腳屈曲90度，後腳屈曲膝蓋向地面，後腳向下。每邊腳做10次。
動作三：
站立，後腳掌升起，左右腳交替做50次。
動作四：
將腳打開，腳趾指向外；慢慢將雙膝屈曲至90度後腳掌升起，然後放下，做10次。
動作五：
跪在地上，雙手按地；一隻腳向後，前腳掌着地，身體重心向後移；每邊腳做10次。
動作六：
雙腳打開盆骨的闊度；雙手叉腰；將一隻腳踏前向另一隻腳外的位置，前腳掌着地，屈曲雙膝，左右腳交替做20次。
Tips！
做完運動，一定要拉筋和按摩，放鬆腿部肌肉！
拉筋動作一：
坐着伸直雙腳，將臀部肌肉拉出再坐下；將上身向前，手捉腳趾；挺直腰部，上身向前，由右去左及左去右，做10次。
拉筋動作二：
坐着把右腳屈曲放在左膝上方；伸直左腳，腳趾指向身體；挺直腰部，將上身向前拉，按着腳趾維持5秒；另一隻腳重複以上動作。
拉筋動作三：
打開膝蓋，坐在雙腳腳掌上，將上身趴向前；維持手掌及腳掌的距離，慢慢將臀部升起；前腳掌着地，雙腳升起，上身向大腿方向推；臀部向天；雙腳輪流微微屈曲，另一隻腳伸直，後腳掌着地，交替做10次，再維持10個呼吸。
仲有！按摩！
資料及圖片來源：Coffee’s YouTube Channe
延伸閱讀：
學識瘦腿操 唔怕大髀粗
美麗小腿 由拉筋做起