有日，我懶溫馨攬住詠渝「衰多口」問：詠渝呀！爹哋嘅爹哋媽咪係邊個呀？
詠渝答：爺爺嫲嫲囉！
我再問：咁媽咪嘅爹哋媽咪又係邊個呀？
詠渝沒好氣地答：咪公公同婆婆囉！
我：好叻喎！
詠渝：吓？
（跟住噩夢開始嘞）詠渝:爹哋，我都有嘢問你呀？
我：咩呀？
詠渝：點解我叫你做「爹哋」，你叫爺爺做「老豆」嘅？
我：咁……以前D人係咁叫家嘛！
詠渝：咁點叫媽咪嫁？
我：以前D人叫「亞媽」嫁！
詠渝：咁點解你唔係叫嫲嫲做「亞媽」,叫佢做媽咪嘅？
我：佢鍾意我叫佢媽咪囉！
詠渝：咁……點解你叫婆婆都係叫做媽咪嘅？
我已沒氣地答：我同你媽咪結咗婚，大家嘅屋企人係一家人啦嘛！咁咪叫婆婆做媽咪囉！
詠渝：哦~~咁……點解媽咪唔係叫爺爺嫲嫲做爹哋媽咪，叫佢地做＂老爺奶奶＂嘅？
我：……（之後我見到屋企所有人喺度偷笑……抵你死！）
