啱啱過咗嘅星期五，係卓楠嘅幼稚園「5月之星」同學生日會。
前一晚，卓楠不停提我哋：爹哋媽咪～聽日學校生日會唔使著校服，我聽朝著咩衫返學好呀？
我：是但啦！
卓楠（失落）：吓……？
［第二日］
太太起身出房門見到個仔……當堂比佢嚇咗一跳！卓楠竟然Gel晒頭+著住禮服裇+煲呔+黑長褲+黑長Boots
（直頭《金像奬》行"紅地毯"咁嘅造型！）
太太：嘩！咁大陣杖？姐姐，唔使咁誇下話？
家傭（偷笑）：太太，唔關我事㗎！佢堅持自己揀㗎！
於是太太叫卓楠換返便服～佢唔制都不特止……出門前仲要加多件「皮䄛」？？
太太終於忍唔住要問：卓楠，發生咩事？究竟今日邊個生日？
卓楠：……穎……喬……囉！
太太：家姐成日同我哋講，你鍾意嗰個女仔？
卓楠：嗯～
太太：可以返學！但皮褸擺低，玩得開心啲！
（真係好想見吓卓楠嘅女神：穎喬同學。）
