我係做電視！ 唔係拍電視呀！

未入TVB前，當年出街真係唔太多人認得～但呢樣並唔係最坎坷！最坎坷係……有人認得，但又噏唔出你個名……仲要走埋嚟大庭廣眾大叫：咦？你做電視架？你叫咩名呀？

我：(超細聲)我叫……

師奶：吓？咩名哇？

我：林～子～博！

師奶：林冼撲？

我：係呀！"冼撲"呀！

師奶：未聽過嘅？

我：……

師奶：你做電視架？你拍緊咩呀？

我：我係做電視！唔係拍電視呀！你屋企部電視有無壞呀？我識整架！