今晚放工返嚟我好惡鬧佢，同佢講：詠渝，爹哋最憎D＂曳＂嘅小朋友，妳再＂蝦＂佢哋我就罰妳！妳依家諗定妳再有下次……我罰妳D乜？
詠渝：罰企吖？
我：罰咁少？妳就想！再諗！
詠渝：（古惑）罰企我都好驚㗎喇！…咁…罰咩呀？
我：罰掉妳最心愛嘅嘢！下次曳…掉妳架單車、再曳掉妳嘅玩具廚房、又再曳掉埋妳隻木馬…＂掉＂到妳識驚為止！
此時，詠渝仲惡過我話：唔得！爹哋，地球先生已經病咗喇！你仲掉咁多嘢……地球先生咁樣係唔會好番㗎！
我：吓？
詠渝：你掉垃圾有無分……藍紙、黃罐、啡樽吖？
我：吓？
詠渝：同埋媽咪唔停咁開住水刷牙都唔啱㗎！姐姐成日用膠枱布、你又用咁多紙巾、地球先生已經唔舒服㗎啦嘛……D人搭港鐵又食嘢仲衝門添……！
我：???????????
