智利独臂结他大师 Andrés Godoy 安德烈斯戈多伊世界巡迴音乐交流会-香港站 星期四圆满落幕啦
 
 
 
感谢OmegaHongkong 主音及结他手 #戎景豪Wilson、Keyboard Terry、鼓手 Tony 以 Beyond 金曲Medley 揭幕，燃点全场气氛
 
大师甫到场，即同蜗牛仔陈梓键 握手，话知道梓键嘅故事，鼓励佢内心要有力量。

 
  
大师即场单手弹奏fingerstyle ，又分享佢14岁发生意外，失去右手，双脚及背部也重伤，嫲嫲点样激励佢重新站起来，继续追寻结他梦，仲用脚 将嫲嫲的「kick his ass」具体地演绎出来（危险动作请勿模仿）。
 
 
 
佢揽住14岁嘅梓键，鼓励佢话，自己当年喺佢呢个年纪出事，但无论经歷了什么，最重要的是现在和永不放弃的心，令梓键勇气大增❤️。大师对生命嘅感悟触动在场每一位

 
佢又开心share同太太嘅爱情故事?原来大师年轻时一度好自卑，觉得唔会有女仔爱上有缺憾嘅自己❤️，直至遇上佢太太，两人至今已擕手走过47个年头❤️。大师即席演奏佢写畀太太嘅情歌，话自己人生中有两样嘢永不放弃：就系结他同爱情，仲叫我哋要相信爱
 
 
 
有观众问佢点样创出「Tatap」手法 — 以单手做出敲击、扫弦及勾线等，来诠释和弦、旅律和节奏嘅独奏风格。大师话，就系凭住不断尝试，就好似人生路上遇到障碍时，尝试用唔同方法破解一样。可能有时会气馁，但当突破困难后便会遇见另一个更强大嘅自已小编听完都好鼓舞。
 

大师仲教我哋一齐大合唱西班牙文，又热情地邀请梓键敲按吉他，感受节奏震动。梓键话大师对佢有好大启发，开心到用电话录低同偶像互动，十足小小fans