餅乾、蛋糕同各式各樣嘅零食係唔少人嘅茶點，但呢啲加工食品所含嘅脂肪，唔少都係反式脂肪，多數用係加工食品同埋餐廳，改善食物質地、保質期或增加香味，隨時危害腦部嘅記憶。
 
美國加州大學醫學院聖地亞哥學院研究員指，對於工作及事業拼搏期嘅年青人或中年男士嚟講，反式脂肪除影響記憶之外，更會危害健康，例如體重增加或引致心臟疾病等。

研究發現，1000名45歲以下男性中，當佢哋吸收咗大量含反式脂肪嘅食物後，單詞記憶測試成績較冇攝取嘅男性為差。

有膳食調查指，每日反式脂肪攝取量應少於5克。另外，美國食品和藥物管理局將採取進一步行動，減少美國食品中含嘅人工反式脂肪。