圖片來源：Idea Rocket
 
1. 用膠袋套着公仔可防塵？
毛公仔容易惹塵埃，不少人為求幫公仔防塵，會以膠袋套着公仔，甚至用保鮮紙包起公仔。Ryan不建議此方法，雖然能夠防塵，但攬着公仔時感覺像「攬住層膠」，失去原本擁抱公仔的質感。
 
如果公仔染塵，公仔醫生建議用毛刷輕輕拍走公仔表面的塵，但避免用毛刷梳毛，以免令公仔甩毛。
 
2. 為甚麼棉花會變形？
新買的公仔大多數都「肥嘟嘟」，但越攬得多就越瘦。Raymond指由於新出廠的公仔，內裏棉花比較蓬鬆，所以公仔會比較「大隻」。但當主人攬得多，會令棉花越壓越實。類似情況亦會出現在公仔的手腳位置，經常郁動公仔手腳，會容易令公仔的肩膀及大髀接合位的棉花分開，看起來無力垂下。
 
雖然棉花壓實了會令公仔看起來變得瘦削，但公仔醫生指是難以避免的情況，所以有客人會把公仔送去公仔診所換棉花，重新泵入蓬鬆的棉花。
 
不過要做好心理準備，當接回公仔時，公仔變回「肥嘟嘟」的身材，主人可能會看不慣。
 
3. 塗護膚品後不要攬公仔？
Ryan提醒女士不要在面或手上塗有護膚品、化妝品或帶有油脂的情況下觸摸公仔，因為會黏在公仔表面，難以自行清潔。
 
4. 放於陽光下會變色？
把公仔放在陽光、紫外線下，能夠做到基本消滅細菌的效果，但時間切忌太長，否則公仔有可能變色或脫色。
 
5. 毛公仔導致敏感？
不少家長擔心，小朋友玩毛公仔會導致鼻敏感。其實導致鼻敏感的致敏原是積聚於公仔的塵蟎，Raymond指以高溫蒸氣清潔公仔，能夠殺死塵蟎，清潔過後就不再怕鼻敏感，最理想是每年蒸氣清潔公仔一次。
 
6. 乾洗與蒸氣清潔毛公仔有何分別？
曾任家電廠、參與研發蒸氣清潔電器的Raymond表示，如果把公仔送到乾洗店，清潔途中有可能加入化學品令表面的毛黏着變得「一嚿嚿」，或棉花變形，亦試過有客人的公仔在乾洗後「頭身分離」。
 
所以，公仔醫生比較主張用蒸氣清潔毛公仔，毋須使用化學品，減低公仔主人致敏的機會。而且公仔所有部位（如頸、腋下）都能仔細清潔，確保公仔「污糟來、乾淨走」，而且也能令之前黏在一起的毛回復蓬鬆，真正「鬆毛鬆翼」。
 
不過，蒸氣清潔必須全人手處理，要逐隻排隊，所以不能同一時間為多隻公仔「洗白白」，比較耗時，效率比乾洗低。
 
資料來源：經濟日報