玄學家七仙羽，人稱「七師傅」；上網搜其資料，如她所言，大多是帶來歡樂的圖文。「唔鹹唔淡」「譚仔姐姐」mode廣東話，是她的標記、也是她的賣點。近年老是常出現於電視螢幕而人氣急升，多得一輯《鬼同妳上位》，最終上位的，不是參賽者、而是最囑目的主持「七師傅」。
每次出場，大家總滿心冀盼着師傅隨心的爆笑金句。她如憨直傻氣的冷笑匠，一臉正經、字字珠璣，語出驚人，「你好淫邪」、「師傅愛你」、「師傅保護你」、「克羅地亞我玩晒」、更穿起古裝跳舞「俾鬼睇」；從不令人失望。
七師傅 Lifewire 早已結緣
從最初被批「騎呢」、「神棍」、「九唔搭八」……大量負評，至漸受網民喜愛，「其實佢幾真」、「睇得好過癮」、「我愛師傅」…..及後人氣飊升，成廣告界新寵，逾百萬點擊的「譚仔姐姐」，網民Like爆貼地夠親切；熱播得讓她受寵若驚。
工作海量式湧至，七師傅幾乎「無處不在」、更是分身不暇，但小編找她訪問，要求與患杜興氏肌肉營養不良症「蝸牛仔」陳梓鍵、及發展性髖關節發育不良的白晞佑，齊齊做任務，感謝家長長年累月的悉心照顧；百忙的她即爽快答應。
其實，七師傅早與Lifewire《護．聯網》結緣，她曾贊助我們主辦的慈善舞台劇，為病童籌款。「十幾年前，我有去內地幫啲小朋友，有啲係白血病，有啲係肌肉萎縮。」七師傅形容首次接觸罕病患者時，內心極受衝擊，「嘩！原來世間上有呢啲病，係好難以相信！當時我呢啲義工都忍唔住喊。」
訪問這天，卅多度高溫、更突下起大雨，雨汗交織，七師傅笑着急步來迎接團隊及梓鍵，親切地俯身打招呼：「梓鍵，你好呀！我係七師傅！」曾開設插花體驗班的七師傅，彎着身子先帶着坐輪椅的梓鍵到花墟，並肩同行。「你鍾意咩色㗎？」「媽咪鍾意咩花？」
以花連繫病童 發放生命力量
「我幫嗰個小朋友（晞佑）揀埋啦！」看著林林種種的鮮花，「一紮夠唔夠呀？」片刻，七師傅回頭見梓鍵凝視著一排排多肉植物,她像看穿梓鍵心思, 「買啦、買啦,我送畀你,屋 企擺多啲花會開心啲㗎!」她精挑細選了一盤多肉植物給梓鍵，原來梓鍵是記掛着喜歡多肉植物的媽媽。「今日幫佢哋揀花，就係諗住揀啲正能量嘅花，你望到啲花係會有生命力量!」鮮豔的玫瑰加上可淨化空氣的尤加利葉、象徵開心的跳舞蘭拼上淺綠的繡球花，「簡簡單單已經好靚。」
溫馨大細路 熱情又害羞
「小心呀，唔好整到手」、「花太長會失去平衡，要剪短啲」、「我哋一齊剪啦」，過程中七師傅不時細心叮囑，有時又顯得有點害羞 ; 過程中雖沒太多交談，場面卻惬意溫馨。其間,七師傅還教二人英文。
「見呢兩個小朋友都好正面、好樂觀」 小朋友帶來歡 樂氛圍,令七師傅也融入其中，更體會到家長多年來的言 傳身教的用心,「我感到佢哋家長都係好樂觀,唔會覺得 小朋友有病;見到啲家長好開心、好堅強。」
「全世界個個都有病」
「我覺得唔好當佢哋係病人」，普通人眼裡，病人往往是命途多舛，需要優待，七師傅卻另有看法，「如果話有病，我覺得全世界個個都有病，只不過唔知邊個有啲咩病」，無論是患上可見或不可見疾病的人，七師傅都以平常心看待，「我哋每個人，最終生老病死係必經階段，所以要用『理解』和『關懷』嘅心態去睇人。」「社會要更加多關懷呢啲小朋友，可能有啲人未接觸過，根本都唔知。」多一份力量，便可以將一朵朵花凝聚成百花齊放的花束。
做好自己 善良得人心
鏡頭前，七師傅哼著耳熟能詳的歌，鏡頭下，她亦身體力行實踐「師傅愛你」，定期做慈善活動，派送物資。早前她帶領善信們到水塘放生，卻跌入了網民爭議的漩渦，被貼上「假善心」、「神棍」等負面標籤。
對於行善，社會上公認的定義可能迥然不同，「好多人以為行善就係捐錢，其實誤解咗！真正嘅行善就係首先自己要有一個善良嘅心，自己先做好自己。」出於好意的一舉一動，雖然未必會得到別人的認同，但善行無法以物質去衡量，「對人微笑，帶畀人更多正能量，都係一個善行。」
人紅自是雙面刃，有人喜歡自己的獨樹一幟，亦有人討厭自己的標奇立異。「我覺得鍾意我嘅人多啲…」小編下不了定論，但確見不少言論為她抱不平,「好多網民幫我反擊,話七師傅個人好善良。」只見她雙手合十,感謝願意為她挺身而出的人。
被咒死全家 處之泰然
曾被網民鬧「死全家」、「全家落地獄」，七師傅均一笑置之。「嬲就無嬲，當時覺得好失望，我知呢啲人心態一定唔平衡。」面對負面評論，七師傅從來沒有隔空開火，「當時覺得好詫異，過一陣我就無嘢，原諒佢哋。」
「呢個係好正常，因為有一個定律 叫『能量守恆定律』，當一樣嘢得到了，另一樣嘢一定會失去。」寂寂無名的人就像路邊的野草，乏人問津,「全世界任何一個總統都會有好多人鬧」。欲戴王冠, 必承其重,七師傅道出得失是對等的道理。
內心強大得如此化境，未知是否與她常到尼泊爾、不人丹和印度等地閉關修行有關，她悟出佛教道理,「如果有人鬧你,其實係幫你消孽障,係好事嚟。」七師傅不諱言,自己並非天生樂觀，也需是調節心態，「（負面批評）都磨練我，令我嘅修養可以提升，所以啲人鬧我我唔介意。」
訪問彩蛋：師傅愛病童💗💗💖💖
超忙的七師傅人紅卻不驕,全無架子;採訪當天,大量客戶不斷來電,她 卻一遍遍地掛斷,直至訪問結束,才回覆電話,訪問比預期時間延遲了亦毫 無怨言。
初次跟罕病童相處,七師傅感受甚深,「起碼我哋可以跑,可以做運動」 罕病童忍受了常人未必知曉的不便,「相比起係非常感恩。」
與團隊逛花店,每次到收銀機前,七師傅的熱情總是當仁不讓。「總 數……」收銀員話語甫落,七師傅馬上搶著付錢,「我有、我有」 誓不讓團隊付費。接過花束,七師傅又著緊地擔心,「未刨刺驚 小朋友會整親手」
她更「貼錢」做訪問,封了利是給梓鍵和晞 佑,還擺出愛心手勢,鼓勵罕病童和 Lifewire 《護聯網》,「我都好支持你哋,愛係 最大嘅能量,師傅愛你!」
